„გახარია საქართველოსთვის“ პოლიტიკურმა ძალამ 64-ვე მუნიციპალიტეტში კანდიდატთა სია წარადგინა
პარტია „გახარია საქართველოსთვის“ ინფორმაციით, მათ 64-ვე მუნიციპალიტეტში საკრებულოს პარტიული სია წარადგინეს.
ამასთან, როგორც პარტიის მიერ გავრცელებულ ინფორმაციაშია აღნიშნული, მუნიციპალიტეტების უმრავლესობაში „ლელო-ძლიერი საქართველოსთან“ ერთად, მერობის საერთო კანდიდატები წარადგინეს.
„ჩვენმა პოლიტიკურმა ძალამ საქართველოს 64-ვე მუნიციპალიტეტში წარვადგინეთ საკრებულოს პარტიული სია. ამასთან, [კანდიდატები წარვადგინეთ] „ლელო - ძლიერი საქართველოსთან“ ერთად საქართველოს ყველა ძირითად რეგიონულ ცენტრში და მუნიციპალიტეტების უმრავლესობაში მერობის საერთო კანდიდატები წარვადგინეთ“,- ნათქვამია ინფორმაციაში.
