ღაზის სექტორიდან მოსახლეობის გადასახლება ჩვენთვის წითელ ხაზს წარმოადგენს, - ამის შესახებ ეგვიპტის საგარეო საქმეთა მინისტრმა, ბადრ აბდელატიმ განაცხადა.

„გადასახლება ვარიანტს არ წარმოადგენს. ეს ეგვიპტისთვის წითელი ხაზია და ჩვენ ამას არ დავუშვებთ“, - განაცხადა ეგვიპტის საგარეო საქმეთა მინისტრმა.

მისი თქმით, „საკუთარი სამშობლოდან ხალხის გადასახლების არანაირი მორალური, სამართლებრივი და ეთიკური საფუძველი არ არსებობს“.

„ის, რაც ადგილზე ხდება წარმოუდგენელია. იქ გენოციდი მიმდინარეობს, მშვიდობიანი მოსახლეობის მასობრივი ხოცვა-ჟლეტა და ისრაელის მიერ ხელოვნურად შექმნილი შიმშილი“, - აღნიშნა აბდელატიმ.