ეუთო/ოდირიც მოაწვევინეთ და ბოლომდე სახე მობანეთ ამ ანტიეროვნულ, რუსულ, კრიმინალურ ბანდას! - ისტორია შეგარცხვენთ, უკვე თავლაფდასხმულებო, ყველას, „ლელო-გახარიელებს“ და თქვენი გაუგონარი ღალატის ყველა თანამონაწილეს! - ამის შესახებ ოპოზიციონერი პოლიტიკოსი არმაზ ახვლედიანი წერს, რითაც ეხმაურება თვითმმართველობის არჩევნებში ეუთო/ოდირის მოწვევას.

ახვლედიანის თქმით, საქართველოს შველა ახლა მხოლოდ ერთგული ადამიანების გაერთიანების ხელშია.

„ეუთო/ოდირიც მოაწვევინეთ და ბოლომდე სახე მობანეთ ამ ანტიეროვნულ, რუსულ, კრიმინალურ ბანდას!

ოღონდ ახლა ივანიშვილ-კობახიძეზე შეუდარებლად მეტად თქვენ, ბინძურო სატელიტებო, ამაზრზენო ქორვაჭრებო, სწორედ თქვენ უკლავთ საქართველოს ნორმალურობის თითქმის ბოლო შანსს!

ისტორია შეგარცხვენთ, უკვე თავლაფდასხმულებო, ყველას, „ლელო-გახარიელებს“ და თქვენი გაუგონარი ღალატის ყველა თანამონაწილეს!

საქართველოს გაყიდვა არ შეგრჩებათ, არ გაგატანინებთ ლელოს საქართველოს ნორმალურობის დასამარების კარში!

ვაი, რომ უკვე განგაშის ზარის შემოკვრაც გვიანია!

გავიმეორებ: რუსული ურჩხულის და მისი ვაიქართველი ნაძირლების კლანჭებში მოსაგუდად განწირული საქართველოს შველა ახლა მხოლოდ და მხოლოდ უანგარო, უკომპრომისოდ წესიერი, სამართლიანი, კეთილგონიერი, ეროვნული და ევროპული ფასეულობების უალტერნატივოდ ერთგული ადამიანების მძლავრი გაერთიანების ხელშია!“- წერს ახვლედიანი „ფეისბუქზე“.