რუსეთი აგრძელებს ესკალაციას უკრაინის სამოქალაქო ინფრასტრუქტურაზე აგრესიული თავდასხმებით და ახლა კიევში მთავრობის შენობასაც დაარტყეს, - ასე ეხმაურება ლატვიის პრეზიდენტი, ედგარს რინკევიჩი უკრაინის წინააღმდეგ ღამით განხორციელებულ თავდასხმას.

„გზავნილი ნათელია - კრემლს ომი სურს და არა მშვიდობა. ჩვენი პასუხი უნდა იყოს მეტი იარაღი უკრაინისთვის, მეტი ზეწოლა რუსეთზე“, - წერს ლატვიის პრეზიდენტი.

შეგახსენებთ, რუსეთმა უკრაინას 800-ზე მეტი დრონით და რაკეტით შეუტია. დაზიანდა სამოქალაქო ინფრასტრუქტურა. არიან დაღუპულები და დაშავებულები. თავდასხმის შედეგად, დედაქალაქ კიევში მთავრობის შენობაც დაზიანდა.