თავისუფლების მოედანზე აქციის მონაწილეებსა და პოლიციას შორის დაპირისპირება იყო.

ადგილზე ხმაური მას შემდეგ დაიწყო, რაც აქციის მონაწილეების ინფორმაციით, რამდენიმე პირს პოლიციამ იდენტიფიკაცია მოსთხოვა, რადგან მათ პირბადე ეკეთათ.

ადგილზე ამ დრომდე მობილიზებულია პოლიცია და რჩება აქციის მონაწილეთა ნაწილი.

ასევე, გავრცელდა სოციალურ მედიაში კადრები, სადაც ჩანს, რომ ორ გოგონას, რომელთაც პირბადეები უკეთიათ, პოლიცია მანქანაში სვამს.

პარალელურად, გავრცელდა ინფორმაცია, რომ მოძრაობა "ერთობის" ოფისში რამდენიმე პოლიციელი მივიდა, რომლებიც სთხოვდნენ, დაესახელებინათ, თუ ვის ეკეთა პირბადე. მოძრაობის წარმომადგენელმა ნიკოლოზ ტყემალაძემ განაცხადა, რომ კრიმინალური პოლიციის თანამშრომლებმა მათ უთხრეს, რომ სამამრთველოში წაიყვანდნენ. მოგვიანებით, მათ ოფისი დატოვეს.