კოალიციის ცნობით, თამარ ბოყოველი კრწანისის მოსახლეობას ყველა იმ პრიორიტეტზე ესაუბრა, რომელიც „ძლიერი საქართველო - ლელოს” საარჩევნო პროგრამის ძირითადი ნაწილია.

„უსაფრთხო ქალაქი თბილისელებისთვის, ხელმისაწვდომი ჯანდაცვა, ქვეყნის ევროპული გზის ერთგულება, პენსიონერების სოციალური მდგომარეობის გაუმჯობესება, ავარიული სახლების ჩანაცვლების პროგრამა და ხარისხიანი განათლება ყველა ახალგაზრდისთვის, ეს იმ საკითხების ერთი ნაწილია, რომელზე მუშაობასაც მაჟორიტარობის კანდიდატი საკრებულოში გეგმავს. საკუთარი მიმართვა კრწანისის მაჟორიტარობის კანდიდატმა პოლიტპატიმრების სოლიდარობით დაიწყო, თავდადებისთვის მადლობა გადაუხადა და მალე გათავისუფლება უსურვა“, - ნათქვამია ინფორმაციაში.