"ნაციონალური მოძრაობის" წევრი ლევან სანიკიძე აცხადებს, რომ მის სახლთან პოლიცია და სახელმწიფო უსაფრთხოების სამსახურის წარმომადგენლები არიან მობილიზებული.

"ჩემს სახლთან მობილიზებულია პოლიცია და სუსი", - წერს ლევან სანიკიძე.

მოგვიანებით, სანიკიძემ დაწერა, რომ დამატებით ინფორმაციას მიაწვდის საზოგადოებას, თუ პოლიციისა და სუს-ის მხრიდან რაიმე მოქმედებას ექნება ადგილი.

"სადარბაზოსთან არის უამრავი პოლიციელი და სუსის მანქანა. თუ რაიმე დამატებითი მოქმედება განახორციელეს, შეგატყობინებთ", - წერს სანიკიძე მისივე "ფეისბუქ პოსტის" კომენტარების ველში.

"ინტერპრესნიუსი" დეტალების გარკვევას შსს-ში ცდილობს.