ღაზა ცეცხლშია გახვეული, - ამის შესახებ ისრაელის თავდაცვის მინისტრი, ისრაელ კაცი აცხადებს. „ისრაელის თავდაცვის ძალები ტერორისტულ ინფრასტრუქტურას ურტყამს. ჩვენ უკან არ დავიხევთ, სანამ მისია არ შესრულდება“, - აცხადებს ისრაელის თავდაცვის მინისტრი.

მისი თქმით, „ჯარისკაცები გმირულად იბრძვიან, რათა „ჰამასის“ დასამარცხებლად და მძევლების გასათავისუფლებლად შესაბამისი პირობები შექმნან“.

შეგახსენებთ, დღეს ღამით, ისრაელმა ქალაქ ღაზას ოკუპაციის მიზნით სახმელეთო შეტევა დაიწყო.

ისრაელის თავდაცვის ძალების ცნობით, ქალაქ ღაზადან 350 000-ზე მეტი პალესტინელის ევაკუაცია განხორციელდა.