ვოლოდიმირ ზელენსკიმ უკრაინასა და დიდ ბრიტანეთს შორის 100-წლიანი პარტნიორობის ხელშეკრულების შესახებ კანონს ხელი მოაწერა, - ინფორმაციას უკრაინული მედია ავრცელებს.

„ჩემთვის დიდი პატივი და პრივილეგიაა ხელი მოვაწერო კანონს, რომელიც გაერთიანებულ სამეფოსა და უკრაინას შორის 100-წლიანი პარტნიორობის ხელშეკრულების რატიფიცირებას ახდენს“, - განაცხადა ვოლოდიმირ ზელენსკიმ.

უკრაინასა და დიდ ბრიტანეთს შორის გაფორმებული 100-წლიანი პარტნიორობის ხელშეკრულება უსაფრთხოების, თავდაცვის, ეკონომიკის, მეცნიერების, ტექნოლოგიებისა და კულტურის სფეროებში კავშირების გაძლიერებას ითვალისწინებს.

შეგახსენებთ, უკრაინის უმაღლესმა რადამ ხელშეკრულების რატიფიცირებას გუშინ, 17 სექტემბერს დაუჭირა მხარი.