საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის 2025 წლის მესამე სხდომა გაიმართა.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათი ცნობით, მართლმადიდებელი ეკლესიის მიერ წარდგენილი 26 საკითხიდან დადებითად 24 საკითხი გადაწყდა, ხოლო უარყოფითად 2 საკითხი მიიჩნიეს.

„კომისიას განსახილველად 29 საკითხი წარედგინა. საქართველოს მართლმადიდებელი ეკლესიის მიერ წარდგენილი 26 საკითხიდან დადებითად გადაწყდა 24, უარი ეთქვა 2 საკითხზე. მუსლიმთასამმართველოს მიერ წარდგენილ 1 საკითხზე დადგინდა ხარვეზი. სომეხთა სამოციქულო ეკლესიის საქართველოს ეპარქიის მიერ წარდგენილი 1 საკითხი დადებითად გადაწყდა, სომხური თემის მიერ წარდგენილ 1 საკითხზე კი ხარვეზი დადგინდა.

კომისიის სხდომას ესწრებოდნენ სრულიად საქართველოს კათოლიკოს-პატრიარქის მდივანი, დეკანოზი მიქაელ ბოტკოველი და თბილისის მერიის ქონების მართვის სააგენტოს წარმომადგენელი სოფიო დოღონაძე“,- ნათქვამია ინფორმაციაში.