სალომე ზურაბიშვილის განცხადება იმის თაობაზე, რომ ამერიკა და დასავლეთი აპირებს საქართველოს გადაცემას რუსეთისთვის, არ შეესაბამება რეალობას, - ამის შესახებ საქართველოს მესამე პრეზიდენტი, მიხეილ სააკაშვილი „ფეისბუქის“ გვერდზე წერს.

როგორც მიხეილ სააკაშვილი აღნიშნავს, საქართველოს მიმართ მხარდაჭერა დამოკიდებულია ბრძოლის წარმატებულობაზე და მთავარი მტერი არის შიში, უიმედობა.

„ჩვენი მხარდაჭერა მთლიანად დამოკიდებულია ჩვენი ბრძოლის წარმატებულობაზე, ასე იყო „ვარდების რევოლუციის“ დროს, ასეა ახლა. ჩვენი მთავარი მტერი არის შიში და უიმედობა“, - წერს მიხეილ სააკაშვილი „ფეისბუქზე“.