უკრაინამ სარატოვისა და სამარის ოლქებში ნავთობგადამამუშავებელ ქარხნებს დაარტყა, - ინფორმაციას უკრაინული მედია ქვეყნის შეიარაღებული ძალების გენერალურ შტაბზე დაყრდნობით ავრცელებს.

უკრაინის გენშტაბის განცხადებით, სამხედრო ძალებმა სარატოვის ნავთობგადამამუშავებელ ქარხანასა და სამარის ოლქში მდებარე ნოვოკუიბიშევსკის ნავთობგადამამუშავებელ ქარხანას დაარტყეს.

უკრაინული ძალების დარტყმების შედეგად რუსული ნავთობგადამამუშავებელი ქარხნების ტერიტორიაზე ძლიერი ხანძრები გაჩნდა.

ამასთან, უკრაინის სპეციალური ოპერაციების ძალების დანაყოფებმა სამარაში მაგისტრალური სატრანსპორტო ობიექტი დააზიანეს, რომელსაც სხვადასხვა საბადოდან მოპოვებული ნავთობი გადააქვს.