საქართველოს სახალხო დამცველი ლევან იოსელიანი და სახალხო დამცველის პირველი მოადგილე თამარ გვარამაძე საქართველოში საფრანგეთის ახლად დანიშნულ ელჩს ოლივიე კურტოს შეხვდნენ.

ამის შესახებ ინფორმაციას სახალხო დამცველის ოფისი ავრცელებს.

მათი ცნობით, შეხვედრაზე ლევან იოსელიანმა ელჩს სახალხო დამცველის აპარატის მანდატი, საქმიანობა და პრიორიტეტები გააცნო. ასევე, განიხილეს ქვეყანაში ადამიანის უფლებების თვალსაზრისით არსებული მდგომარეობა და სამომავლო თანამშრომლობაზე შეთანხმდნენ.