დასავლეთი თავდაცვის ხარჯების გაზრდითა და ჯანდაცვის დაფინანსების შემცირებით არასწორ სიგნალს გზავნის, - ამის შესახებ ესპანეთის პრემიერ-მინისტრმა, პედრო სანჩესმა განაცხადა.

ესპანეთის პრემიერ-მინისტრის განცხადებით, უსაფრთხოება კლიმატის ცვლილებასთან და გლობალურ ჯანდაცვის საკითხებთან გამკლავებასაც მოითხოვს.

„ვფიქრობ, რომ დასავლეთის ქვეყნებიდან არასწორი სიგნალი მოდის: „ჩვენ გავზრდით თავდაცვის ხარჯებს, მაგრამ დახმარებას შევამცირებთ’“, - განაცხადა პედრო სანჩესმა.

მისი თქმით, დასავლეთის ქვეყნებმა დახმარებისთვის ხარჯები უნდა გაზარდონ.

„ასევე, ქვეყნები ევროპის აღმოსავლეთ ფლანგზე შექმნილ რეალობას უნდა დაუპირისპირდნენ, რომელიც პუტინის ნეოიმპერიალიზმია, უკრაინის მსგავსი ქვეყნების წინააღმდეგ, მაგრამ მათ არ უნდა შექმნან ცრუ და ყალბი კომპრომისული არჩევანი დახმარებისა და თავდაცვის ხარჯებს შორის“, - აღნიშნა ესპანეთის პრემიერ-მინისტრმა.