რუსეთის საგარეო საქმეთა მინისტრი, სერგეი ლავროვი გაერო-ს გენერალური ასამბლეის მე-80 საიუბილეო სესიის მაღალი დონის კვირეულზე დასასწრებად ნიუ-იორკში ჩავიდა, - ინფორმაციას რუსული მედია ავრცელებს.

მათივე ინფორმაციით, საგარეო საქმეთა მინისტრი რამდენიმე ორმხრივ შეხვედრას გამართავს, მათ შორის აშშ-ის სახელმწიფო მდივან მარკო რუბიოსთან.

ამასთან, ლავროვი მონაწილეობას მიიღებს „დიდი ოცეულის“ BRICS-ისა და კოლექტიური უსაფრთხოების ხელშეკრულების ორგანიზაციის მიერ ორგანიზებულ მრავალმხრივ ღონისძიებებში. ასევე დაგეგმილია შეხვედრა გაერო-ს გენერალურ მდივან ანტონიო გუტერეშთან.