ევაკუაციის შემდეგ, თბილისის საქალაქო სასამართლომ მუშაობა განაახლა. რამდენიმე წუთის წინ, სასამართლო მანდატურის სამსახურის თანამშრომლებმა, შესასვლელი ჭიშკარი გააღეს და მოქალაქეებს სასამართლოს შენობაში შესვლის უფლება მისცეს.

ცნობისთვის, თბილისის საქალაქო სასამართლოში ევაკუაცია დაახლოებით 13:00-საათზე გამოცხადდა. გავრცელებული ინფორმაციით, საქმე სასამართლოს შენობაში ბომბის შესახებ შეტყობინებას შეეხებოდა. ევაკუაციის დაწყებიდან მალევე ადგილზე სავარაუდოდ სუს-ის ანტიტერორისტული დეპარტამენტის თანამშრომლები მოვიდნენ.