“ძლიერი საქართველო-ლელომ” და პარტიამ “გახარია საქართველოსთვის” გლდანის მაჟორიტარი დეპუტატობის კანდიდატები წარადგინეს. კანდიდატები მერობის საერთო კანდიდატმა ირაკლი კუპრაძემ, კოალიციის ერთ-ერთმა ლიდერმა ალეკო ელისაშვილმა და საკრებულოს თავმჯდომარეობის საერთო კანდიდატმა გიორგი შარაშიძემ წარადგინეს.

მუხიანის სამაჟორიტარო ოლქში “ლელო-ძლიერი საქართველოდან” გრიგოლ გეგელია დასახელდა, ხოლო ზაჰესისა და ავჭალის სამაჟორიტარო ოლქში გიორგი რეხვიაშვილი.

რაც შეეხება გლდანს, „ძლიერი საქართველო-ლელოდან“ გლდანის მიკრორაიონების ნაწილში მაჟორიტარობის კანდიდატად ჯუბა ლოლაძე წარადგინეს, ნაწილში კი პარტიიდან “გახარია საქართველოსთვის” წევრი კოკა კობალაძე.