რუსეთმა უკრაინას 176 დრონით შეუტია, უკრაინელებმა 150 დრონი გაანეიტრალეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

„დილის 8:30 საათის მონაცემებით, საჰაერო თავდაცვის სისტემებმა ქვეყნის ჩრდილოეთ, სამხრეთ, აღმოსავლეთ და ცენტრალურ ნაწილებში მტრის 150 დრონი გაანეიტრალეს“, - აცხადებს უკრაინის საჰაერო ძალები.

უკრაინის საჰაერო ძალების ცნობით, ახლა რუსების მიერ გაშვებული დრონების მორიგი შეტევა მიმდინარეობს.

მათივე ინფორმაციით, რუსული დრონებით დარტყმები 8 ლოკაციაზე დაფიქსირდა.