რა ოპოზიცია, რა გამარჯვება, ვინ უნდა გაიმარჯვოს ?! - მკვდრები ხართ, გაფარჩაკებულები ხართ, ვინ სად უნდა გაიმარჯვოს?! სირცხვილია! - ასე გამოეხმაურა დედაქალაქის მერი კახა კალაძე ჟურნალისტის კითხვას, როგორ შეაფასებდა ოპოზიციის მიერ დაანონსებულ ამნისტიას, 4 ოქტომბრის არჩევნებში გამარჯვების შემდეგ.

კალაძის თქმით ისინი რეალობას არიან აცდენილები.

„რეალობას ხართ აცდენილი, ამ ქვეყნად არ ხართ! ვინ უნდა გაიმარჯვოთ, ვინ უნდა გაათავისუფლოთ, გაუბედურებულები ხართ, გაფარჩაკებულები ხართ! არანაირი რესურსი არ გაგაჩნიათ, არც პოლიტიკური, არც ადამიანური, შინაარსისგან დაცლილები ხართ. საერთოდ რაზე საუბრობთ? დაბრუნდით დედამიწაზე, არ ხართ ამქვეყნად!“- განაცხადა კალაძემ.

ცნობისთვის, ფართომასშტაბიანი ამნისტიის ინიციატივით ოპოზიციონერი პოლიტიკოსი მურთაზ ზოდელავა გამოვიდა. მისი თქმით, ახალი პარლამენტის არჩევის შემდეგ, გათავისუფლდებიან როგორც აქციების დროს დაპატიმრებული ადამიანები, ისე მსუბუქი მუხლებით გასამართლებული მოქალაქეები.