თბილისის სააპელაციო სასამართლოში დიდი ოდენობით საბიუჯეტო თანხების გაფლანგვაში მსჯავრდებულების, მიხეილ სააკაშვილისა და სდსს-ს ყოფილი უფროსის, თეიმურაზ ჯანაშიას პროცესი მიმდინარეობს.

დღევანდელ სხდომას დისტანციურად დაესწრება მიხეილ სააკაშვილი, თეიმურაზ ჯანაშია კი პროცესს არ ესწრება.

შეგახსენებთ, რომ თბილისის საქალაქო სასამართლომ აღნიშნულ საქმეზე ყოფილი პრეზიდენტი და სდსს-ს ყოფილი უფროსი დამნაშავედ ცნო. სასჯელის სახედ მიხეილ სააკაშვილს 9 წლით თავისუფლების აღკვეთა განესაზღვრა, ხოლო თეიმურაზ ჯანაშიას 300 000-ლარიანი ჯარიმა დაეკისრა. პროკურატურა ბრალდებულებს დიდი ოდენობით საბიუჯეტო თანხის - 9 მილიონი ლარის ჯგუფურად გაფლანგვას ედავებოდა.