ჩარევისა და ზეწოლის მცდელობების მიუხედავად, მოლდოვას რესპუბლიკის ხალხის არჩევანი მტკიცედ დადასტურდა, - ასე ეხმაურება საფრანგეთის პრეზიდენტი, ემანუელ მაკრონი მოლდოვაში ჩატარებული საპარლამენტო არჩევნების ოფიციალურ წინასწარ შედეგებს.

„საფრანგეთი მხარს უჭერს მოლდოვას მის ევროპულ პროექტში და თავისუფლებისა და სუვერენიტეტისკენ სწრაფვაში“, - წერს მაკრონი.

ცნობისთვის, მოლდოვის ცენტრალური საარჩევნო კომისიის ინფორმაციით, ხმების 99.91 პროცენტის დათვლის შედეგად, საპარლამენტო არჩევნებში მოლდოვის მმართველი „მოქმედებისა და სოლიდარობის პარტია“ ხმათა 50.16 პროცენტით ლიდერობს.