რუსეთის პრეზიდენტმა, ვლადიმერ პუტინმა ხელი მოაწერა განკარგულებას საშემოდგომო გაწვევის შესახებ, რომლის თანახმადაც სამხედრო სამსახურში 135 000 რუსეთის მოქალაქეს გაიწვევენ, - ამის შესახებ ინფორმაციას რუსული მედია რუსეთის პრეზიდენტის, ვლადიმერ პუტინის განკარგულებაზე დაყრდნობით ავრცელებს.

„2025 წლის 1-ელი ოქტომბრიდან 31 დეკემბრამდე განხორციელდეს 18-დან 30 წლამდე რუსეთის მოქალაქეების გაწვევა, რომლებიც რეზერვში არ იმყოფებიან და სამხედრო სამსახურში გაწვევას ექვემდებარებიან, 135 000 ადამიანის ოდენობით“, - ნათქვამია რუსეთის პრეზიდენტის განკარგულებაში.

სააგენტო „ფრანს-პრესის“ ცნობით, აღნიშნული რაოდენობით მოქალაქეების გაწვევა 2016 წლის შემდეგ რუსეთში ყველაზე მასშტაბურ საშემოდგომო გაწვევის კამპანიას წარმოადგენს.