პუტინი ხვდება, რომ ამ ომში გამარჯვება არ შეუძლია, - ამის შესახებ უკრაინის საკითხებში აშშ-ის პრეზიდენტის სპეციალურმა წარმომადგენელმა, კიტ კელოგმა ვარშავის უსაფრთხოების ფორუმზე სიტყვით გამოსვლისას განაცხადა.

„ვფიქრობ, პუტინი გულის სიღრმეში ხვდება, რომ ვერ გაიმარჯვებს. მას გრძელვადიან პერსპექტივაში ამ ომში გამარჯვება არ შეუძლია. ეს არ მოხდება“, - განაცხადა კიტ კელოგმა.

მისი თქმით, რუსეთს ფრონტის ხაზზე პრობლემები აქვს.

„თუ პუტინის სამხედრო ძალებს დააკვირდებით, დაინახავთ რომ დიდი ნაწილი განადგურებულია. ტანკები მუზეუმებიდან გამოჰყავს. პრობლემა მას აქვს და არა დასავლეთს“, - აღნიშნა კელოგმა.