პარლამენტთან საპროტესტო აქცია მიმდინარეობს
საქართველოს პარლამენტთან საპროტესტო აქცია მიმდინარეობს. მოქალაქეებმა საავტომობილო გზა გადაკეტეს.
საკანონმდებლო ორგანოსთან შეკრებილი დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების ფარგლებში დაკავებული პირები.
პროტესტის მონაწილეებმა მხარდაჭერა გამოუცხადეს ჯანმრთელობის განზრახ მსუბუქი დაზიანების ბრალდებით დაკავებულ „გირჩი-მეტი თავისუფლების“ წევრ გელა ხასაიას.
აქციის მონაწილეების თქმით, პროტესტი გაგრძელდება მანამ, სანამ არ შესრულდება მათი მოთხოვნები.
პარალელურად, აქცია მიმდინარეობდა საზოგადოებრივი მაუწყებლის ყოფილ შენობასთან, საიდანაც მოქალაქეებმა საპროტესტო მსვლელობით რუსთაველის გამზირისკენ გადმოინაცვლეს და პარლამენტთან მიმდინარე აქციას შეუერთდნენ.
საკანონმდებლო ორგანოსთან უწყვეტი პროტესტი 307 დღეა მიმდინარეობს.
