მიუნხენში აფეთქება მოხდა, რის შემდეგაც „ოქტობერფესტი“ დროებით დაიხურა, - ინფორმაციას Reuters-ი ავრცელებს.

პოლიციის ცნობით, მიუნხენში „ოქტობერფესტის“ ლუდის ფესტივალი საღამომდე დაიხურა, მას შემდეგ, რაც დღეს დილით ქალაქის ჩრდილოეთით მდებარე ერთ-ერთ საცხოვრებელ სახლში ასაფეთქებელი ნივთიერებები აღმოაჩინეს, რომელსაც ცეცხლი გაუჩნდა და აფეთქება გამოიწვია.

პოლიციაში განაცხადეს, რომ ოჯახური კონფლიქტის გამო საცხოვრებელ სახლს ცეცხლი განზრახ წაუკიდეს, რის შედეგადაც ერთი ადამიანი დაიღუპა.

ამასთან, გამოცემა Bild-ის ინფორმაციით, შემთხვევის ადგილზე სროლისა და აფეთქებების ხმა ისმოდა.

„ამჟამად, მომხდარის სხვა ადგილებთან კავშირები განიხილება, ამიტომ ფესტივალის ტერიტორიის გახსნა გადაიდო“, - განაცხადეს მიუნხენის პოლიციაში.