სენაკის მუნიციპალიტეტის სოფელ თეკლათში საცხოვრებელი სახლი დაიწვა. შემთხვევის შედეგად არავინ დაშავებულა. ადგილობრივის ინფორმაციით, ცეცხლის გაჩენის დროს სახლში ოჯახის წევრები იმყოფებოდნენ, თუმცა გამოსვლა დროულად შეძლეს.

ადგილზე მობილიზებული იყო სახანძრო-სამაშველო ბრიგადები და სასწრაფო-სამედიცინო დახმარების ჯგუფი. ხანძრის გამომწვევი მიზეზი ჯერჯერობით უცნობია და მას გამოძიება დაადგენს.