საქართველოს ანტიკორუფციული ბიუროს უფროსი, რაჟდენ კუპრაშვილი, რელიგიის საკითხთა სახელმწიფო სააგენტოს ხელმძღვანელს, ზაზა ვაშაყმაძეს შეხვდა. ამის შესახებ ინფორმაციას ანტიკორუფციული ბიურო ავრცელებს.

მათი ცნობით, შეხვედრას ასევე ესწრებოდნენ ანტიკორუფციული ბიუროს გრანტების მონიტორინგის დეპარტამენტის უფროსი - ბესიკ ვეკუა და რელიგიის საკითხთა სახელმწიფო სააგენტოს სამართლებრივი უზრუნველყოფის სამსახურის უფროსი - დავით დავითაშვილი.

შეხვედრის მონაწილეებმა ისაუბრეს რელიგიური ორგანიზაციების საქმიანობის შესახებ. ყურადღება გამახვილდა გრანტების გაცემის პროცესების გამჭვირვალობისა და მართვის საკითხებზე.