სინაგოგაზე თავდასხმით შეძრწუნებული ვარ, - ასე ეხმაურება დიდი ბრიტანეთის პრემიერ-მინისტრი, კირ სტარმერი მანჩესტერში მდებარე სინაგოგასთან მომხდარ თავდასხმას, რის შედეგადაც, 4 ადამიანი დაშავდა.

„ის ფაქტი, რომ ეს იომ-ქიფურზე, ებრაელთა კალენდრის ყველაზე წმინდა დღეს მოხდა, ამ სიტუაციას კიდევ უფრო საშინელს ხდის“, - აცხადებს კირ სტარმერი.

გამოცემა Sky News-ის ინფორმაციით, დიდი ბრიტანეთის პრემიერ-მინისტრი კოპენჰაგენიდან, სადაც ევროპული პოლიტიკური გაერთიანების სამიტზე იმყოფება, გაერთიანებულ სამეფოში ბრუნდება.