"ერთიანი ნაციონალური მოძრაობა" ეხმაურება შინაგან საქმეთა სამინისტროს განცხადებას “ერთიანი ნაციონალური მოძრაობის” თავმდჯომარის მოადგილე, იგორ ნარმანიაზე თავდასხმასთან დაკავშირებით.

პარტიის განცხადების თანახმად, თავდასხმა არ იყო სპონტანური ხასიათის, არამედ იყო წინასწარ ორგანიზებული და მიზნად ისახვდა ერთი მხრივ, ახალგაზრდებში და მშობლებში ხვალინდელ დღესთან დაკავშირებით შიშის დანერგვას და მეორე მხრივ, იგორ ნარმანიას ხვალინდელი პროცესებიდან განეიტრალებას.

პარტი აღნიშმავს, რომ შსს-ს გაკეთებული განცხადებები არის ფაქტების უხეში დამახინჯება.

"შსს-ს მიერ გავრცელებული განცხადება მიანიშნებს, თითქოს ადგილი ჰქონდა ორმხრივ, ყოფით ნიადაგზე მომხდარ დაპირისპირებას, მაშინ როდესაც იგორ ნარმანიას მიზანმიმართულად და დემონსტრაციულად თავს დაესხა რამდენიმე პირი.

აღნიშნული თავდასხმა არ იყო სპონტანური ხასიათის, არამედ იყო წინასწარ ორგანიზებული და მიზნად ისახვდა ერთი მხრივ, ახალგაზრდებში და მშობლებში ხვალინდელ დღესთან დაკავშირებით შიშის დანერგვას და მეორე მხრივ, იგორის ხვალინდელი პროცესებიდან განეიტრალებას.

შსს-ს გაკეთებული განცხადებები არის ფაქტების უხეში დამახინჯება საზოგადოების განზრახ შეცდომაში შეყვანის მიზნით, რათა არ გამოავლინონ დე-ფაქტო ხელისუფლების მიერვე ორგანიზებული ძალადობის ავტორები და ჩვეული დეზინფორმაციით, ორმხრივ დაპირისპირებად წარმოაჩინონ იგორ ნარმანიაზე თავდასხმის ფაქტი.

როგორც “ერთიანი ნაციონალური მოძრაობის” ახალგაზრდული ორგანიზაციის თავმჯდომარე, რომელიც პროტესტში პირველივე დღიდან აქტიურადაა ჩართული, იგორ ნარმანია ხელმძღვანელობს გამორჩეულად მებრძოლი და პატრიოტი ახალგაზრდების მოძრაობას და ამდენად, განსაკუთრებულ საფრთხეს წარმოადგენს რეჟიმისთვის, - ნათქვამია განცხადებაში.

როგორც ცნობილია, მანამდე, შსს-მ 3 ოქტომბერს, მეტეხის ხიდის მიმდებარე ტერიტორიაზე მომხდარ ფაქტთან დაკავშირებით განცხადება გაავრცელა.

შსს-ს ცნობით, გამოძიების ამ ეტაპზე მოპოვებული პირველადი ინფორმაციით, ტაძრის მსახურ პირებთან შელაპარაკების დროს, იგორ ნარმანიასთან ერთად მყოფ ათზე მეტ პირსა და მიმდებარე ტერიტორიაზე არსებული რესტორნიდან გამოსულ ორ პირს შორის, რომლებიც ტაძარში მომუშავე ქალს გამოესარჩლნენ, სიტყვიერი დაპირისპირება ფიზიკურ დაპირისპირებაში გადაიზარდა, რა დროსაც მათ ერთმანეთს სხვადასხვა სახის დაზიანებები მიაყენეს.

უწყების თანახმად, ამ დროისათვის იდენტიფიცირებულია დაპირისპირებაში მონაწილეთა უდიდესი უმრავლესობა. საქმეზე გამოძიება ინტენსიურ რეჟიმში მიმდინარეობს.

გამოძიება სისხლის სამართლის კოდექსის 126-ე მუხლით მიმდინარეობს, რაც ჯგუფურად ჩადენილ ძალადობას გულისხმობს.