ბათუმის 79-ე საოლქო საარჩევნო კომისიის თავმჯდომარის ზვიად სურმანიძის განცხადებით, ბათუმის საარჩევნო უბნებიდან, ოლქში საჩივარი არ შესულა. მისი ინფორმაციით, ამომრჩეველთა აქტივობა 32%-ს აღწევს.

მისი თქმით, წინა წლის ადგილობრივ თვითმმართველობის არჩევნებთან შედარებით, შედარებით დაბალია.

„არჩევნები მშვიდ ვითარებაში მიმდინარეობს, არსად არანაირი დარღვევა არ დაფიქსირებულა. საოლქო საარჩევნო კომისიაში საჩივრები არ დაფიქსირებულა. რაც შეეხება აქტივობას, 50 112 ამომრჩეველი გამოცხადდა საარჩევნო უბნებზე, რაც ამომრჩეველთა საერთო რაოდენობის თითქმის 32%-ს.

ადგილობრივ თვითმმართველობის წინა არჩევნებთან შედარებით, აქტივობა ცოტა დაბალია, თუმცა თვითმმართველობის არჩევნებისთვის უნდა ითქვას, რომ საკმაოდ მაღალია”,- აცხადებს ზვიად სურმანიძე.