ბათუმში საარჩევნო ბარიერი ოთხმა სუბიექტმა გადალახა , - ამის შესახებ ბათუმის 79-ე საოლქო საარჩევნო კომისიის თავმჯდომარე ზვიად სურმანიძემ განაცხადა.

მისი თქმით, 10-ვე მაჟორიტარულ ოლქში “ქართული ოცნება” იმარჯვებს.

ზვიად სურმანიძის ინფორმაციით, ბათუმის 79-ე ოლქში საჩივრები, საარჩევნო უბნებიდან არ შესულა.

“უბნები დახურულია, საოლქო საარჩევნო კომისიები დათვლას ახორციელებენ, დღის განმავლობაში საარჩევნო პროცესი მშვიდ ვითარებაში მიმდინარეობდა, ექსცესებს ადგილი არ ჰქონია, შესაბამისად, განცხადებები და საჩივრები საოლქო საარჩევნო კომისიაში არ ყოფილა. აქტივობა ამ ტიპის არჩევნებისთვის საკმაოდ მაღალი იყო.

თითქმის 60 000 ათასი ამომრჩეველი გამოცხადდა უბნებზე. “ქართული ოცნების” კანდიდატმა გიორგი ცინცაძემ 80,55%, “გახარია-საქართველოსთვის” კანდიდატმა გოჩა გუგუნავამ 10,04%.

ზვიად კირკიტაძემ - 04.27%;

კახაბერ ცისკარიძემ - 2,42%;

თამარ მიქელაძემ - 2,35% მოიპოვა.

საარჩევნო ბარიერი ოთხმა სუბიექტმა გადალახა,პროპორციული წესით. რაც შეეხება მაჟორიტარული წესით არჩევნებს, 10 -ვე მაჟორიტარულ ოლქში “ქართული ოცნების” კანდიდატებმა გაიმარჯვეს”, - განაცხადა ზვიად სურმანიძემ