თვითმმართველ ქალაქებში: თბილისში, რუსთავში, ქუთაისში, ბათუმსა და ფოთში მერები „ქართული ოცნების“ კანდიდატები გახდნენ.

კერძოდ, ცენტრალური საარჩევნო კომისიის წინასწარი შედეგების მიხედვით, რუსთავის მერი ნინო ლაცაბიძე გახდა, მან ხმების 91.933% (30 962 ხმა) მიიღო.

რაც შეეხება ქუთაისს, ქალაქის მერი, ცესკოს წინასწარი მონაცემების მიხედვით, დავით ერემეიშვილი იქნება. მან ხმების 85.649% (37 635 ხმა) მიიღო.

ბათუმში მერის არჩევნებში, მოქალაქეთა ხმების 80.616% (42 815 ხმა) გიორგი ცინცაძემ მიიღო.

ფოთში მერის არჩევნებში ერთადერთი კანდიდატი „ქართული ოცნების“ მერობის კანდიდატი ბექა ვაჭარაძე იყრიდა კენჭს. მან, ცესკოს მონაცემების მიხედვით, ხმების 100% (14 431 ხმა) მიიღო.

რაც შეეხება დედაქალაქს, თბილისში მერის არჩევნებში 71.58%-ით „ქართული ოცნების“ კანდიდატმა, კახა კალაძემ გაიმარჯვა და მან 214 872 ხმა მიიღო.