შინაგან საქმეთა მინისტრი გელა გელაძე ინგოროყვას კლინიკაში მივიდა. გელა გელაძე ათონელის საპრეზიდენტო სასახლესთან განვითარებული მოვლენების შედეგად დაშავებულ სამართალდამცველს მოინახულებს.

შს მინისტრი ინგოროყვას კლინიკაში თბილისის პოლიციის დეპარტამენტის დირექტორ, ვაჟა სირაძესთან ერთად იმყოფება.

ჯანდაცვის სამინისტროს ინფორმაციით, თბილისში, 4 ოქტომბერს განვითარებული მოვლენების შედეგად, აქციის 6 მონაწილე და 21 სამართალდამცველი დაშავდა, მათგან ერთი პოლიციელის მდგომარეობა საყურადღებოა.

გარდა კლინიკაში გადაყვანილი პირებისა, 30-მდე პირს აქციის ადგილზე გაუწიეს სამედიცინო დახმარება.