სალომე ზურაბიშვილი - გაყალბებული ადგილობრივი არჩევნებისა და რუსული მმართველობის წინააღმდეგ მიმართულ საპროტესტო აქციებში 80-100 ათასამდე ადამიანი მონაწილეობდა
გუშინდელ საპროტესტო აქციებში, რომლებიც გაყალბებული ადგილობრივი არჩევნებისა და რუსული მმართველობის წინააღმდეგ იყო მიმართული, 80-დან 100 000-მდე ადამიანი მონაწილეობდა, - ამის შესახებ საქართველოს მეხუთე პრეზიდენტი, სალომე ზურაბიშვილი სოციალურ პლატფორმა X-ზე წერს.
მისი განცხადებით, ეს იყო თბილისის ფაქტობრივი მოსახლეობის დაახლოებით 10%.
„ეს იყო თბილისის ფაქტობრივი მოსახლეობის დაახლოებით 10%. პარიზში ეს მაჩვენებელი მილიონ-ნახევარი იქნებოდა, ლონდონში კი - 1.3 მილიონი. 310 დღის შემდეგ!“- წერს ზურაბიშვილი.
