მკითხველის საერთო სულისკვეთებამ, დახმარებოდნენ სტუდენტ პატიმარს, არჩილ მუსელიანცს, შედეგი გამოიღო და აქციაში, „გადაიხადე რამდენიც გინდა“, უპრეცედენტო ჩართულობა დაფიქსირდა.

საქველმოქმედო აქციაში მონაწილეობისთვის მკითხველს შევთავაზეთ, ფრანც კაფკას რომანში - „პროცესი“ გადაეხადათ იმდენი თანხა, რამდენიც სამართლიანად მიაჩნდათ. დაფიქსირდა შემთხვევა, როცა ერთმა მკითხველმა წიგნში 200 ლარი; ერთ-ერთმა მათგანმა 120, ხოლო ექვსმა - 100 ლარი გადაიხადა. მაღალი ჩართულობის შედეგად აქციის ფარგლებში დაბეჭდილი 9 591 წიგნი გაიყიდა.

თქვენი მხარდაჭერით შევძელით, არჩილისთვის მიგვეცა მოტივაცია, გააგრძელოს განათლების გზაზე სვლა - ფონდიდან მას თქვენი სახელით 8 767 ლარი გადაერიცხება.

გარდა შეგროვილი თანხისა, არჩილს მისთვის სასურველ წიგნებსაც გადავცემთ საჩუქრად.

დიდი მადლობა ასეთი ჩართულობისთვის და თანადგომისთვის!

(R)