სომხეთის პრემიერ-მინისტრის, ნიკოლ ფაშინიანის გადაწყვეტილებით, სომხეთის საგარეო საქმეთა სამინისტროში ევროპული ინტეგრაციის დეპარტამენტი შეიქმნება, - ინფორმაციას სომხური მედია ავრცელებს.

მათივე ინფორმაციით, საგარეო საქმეთა სამინისტროს სტრუქტურაში კიდევ ერთი ცვლილება პოლიტიკური პროგრამირების დეპარტამენტის დიპლომატიური ოპერაციების კოორდინაციის დეპარტამენტთან შერწყმას ეხება.

შეგახსენებთ, 2025 წლის მარტში სომხეთის პარლამენტმა ევროკავშირთან ინტეგრაციის შესახებ კანონპროექტი მიიღო. კანონპროექტი, რომელიც საჯარო პეტიციით იყო ინიცირებული, სომხეთის მთავრობას ევროკავშირში გაწევრიანების პროცესის დაწყებისკენ მოუწოდებს.