ღაზაში ომის დასრულების შესახებ მიმდინარე მოლაპარაკებების შესახებ დამაიმედებელი ინფორმაცია მივიღე, - ამის შესახებ ეგვიპტის პრეზიდენტმა, აბდელ ფატაჰ ელ-სისიმ განაცხადა.

„გუშინ შარმ-ელ-შეიხში კატარის, ეგვიპტის დელეგაციები და პრეზიდენტ ტრამპის წარმომადგენლები ჩავიდნენ. მათგან მიღებული შეტყობინებები ძალიან დამაიმედებელია“, - განაცხადა ეგვიპტის პრეზიდენტმა.

ამასთან, აბდელ ფატაჰ ელ-სისიმ აშშ-ის პრეზიდენტი, დონალდ ტრამპი ეგვიპტეში მიიწვია, რათა შეთანხმების მიღწევის შემთხვევაში ხელშეკრულებას ხელი პირადად მოაწეროს.

ცნობისთვის, ღაზაში ომის დასრულების შესახებ ისრაელსა და „ჰამასს“ შორის მოლაპარაკებები ეგვიპტის ქალაქ შარმ-ელ-შეიხში უკვე მესამე დღეა მიმდინარეობს. „ჰამასის“ ცნობით, დღეს მხარეებმა პატიმრებისა და მძევლების სიები გაცვალეს.