რეჯეფ თაიფ ერდოღანი - მშვიდობა ცალფრთიანი ჩიტი არაა, მშვიდობის მთელი ტვირთის „ჰამასსა“ და პალესტინელებზე დაკისრება სამართლიანი, სწორი ან რეალისტური მიდგომა არ არის
თურქეთის პრეზიდენტის, რეჯეფ თაიფ ერდოღანის განცხადებით, ღაზაში მშვიდობის მიღწევის ტვირთის მხოლოდ „ჰამასსა“ და პალესტინელებზე დაკისრება სამართლიანი და რეალური მიდგომა არ არის და რომ ისრაელმა უნდა შეწყვიტოს თავდასხმები, რათა სამშვიდობო ძალისხმევა წარმატებული იყოს.
ერდოღანის თქმით, აშშ-ის პრეზიდენტ დონალდ ტრამპის გეგმის მიუხედავად, ღაზაში მშვიდობის მთავარ დაბრკოლებად ისრაელი რჩება. მისი თქმით, ეგვიპტეში ცეცხლის შეწყვეტის შესახებ მოლაპარაკებები, რომლებსაც თურქი ოფიციალური პირები ესწრებიან, კრიტიკულად მნიშვნელოვანია.
„მშვიდობა ცალფრთიანი ჩიტი არ არის. მშვიდობის მთელი ტვირთის „ჰამასსა“ და პალესტინელებზე დაკისრება არ არის სამართლიანი, სწორი ან რეალისტური მიდგომა“, - განაცხადა ერდოღანმა.
