რეჯეფ თაიფ ერდოღანი - თურქეთი ღაზაში სამშვიდობო შეთანხმების შესრულებას ყურადღებით დააკვირდება - ასევე, გავაგრძელებთ ბრძოლას, ვიდრე 1967 წლის საზღვრების საფუძველზე პალესტინის სახელმწიფო არ შეიქმნება
თურქეთი ღაზაში სამშვიდობო შეთანხმების შესრულებას ყურადღებით დააკვირდება, - ასე ეხმაურება თურქეთის პრეზიდენტი, რეჯეფ თაიფ ერდოღანი ისრაელისა და „ჰამასის“ მიერ ღაზას სამშვიდობო გეგმის პირველი ფაზის შესახებ შეთანხმების მიღწევას.
„მოხარული ვარ, რომ „ჰამასსა“ და ისრაელს შორის მოლაპარაკებები ღაზაში ცეცხლის შეწყვეტით დასრულდა. ჩვენ ყურადღებით დავაკვირდებით შეთანხმების შესრულებას და პროცესში წვლილის შეტანას გავაგრძელებთ. ასევე, გავაგრძელებთ ბრძოლას, ვიდრე 1967 წლის საზღვრების საფუძველზე პალესტინის სახელმწიფო არ შეიქმნება“, - აცხადებს რეჯეფ თაიფ ერდოღანი.
რეჯეფ თაიფ ერდოღანმა აშშ-ის პრეზიდენტს, კატარსა და ეგვიპტეს შეთანხმების მიღწევის მიზნით გაწეული სამუშაოსთვის მადლობა გადაუხადა.
