სომხეთი აჩვენებს, რომ ადამიანის უფლებების დაცვა მნიშნველოვანია - ქართველი მებრძოლი გიორგი კინოიანი თავისუფალია მას შემდეგ, რაც სომხეთმა უარი თქვა რუსეთის ექსტრადიციის მოთხოვნაზე, - ამის შესახებ საქართველოს მეხუთე პრეზიდენტი, სალომე ზურაბიშვილი სოციალურ ქსელში წერს.

“სომხეთი აჩვენებს, რომ ადამიანის უფლებების დაცვა მნიშვნელოვანია - ქართველი მებრძოლი გიორგი კინოიანი თავისუფალია მას შემდეგ, რაც სომხეთმა უარი თქვა რუსეთის ექსტრადიციის მოთხოვნაზე. ძლიერი ნაბიჯი ევროპულ, უფლებებზე ფოკუსირებული მომავლისკენ”, - წერს ზურაბიშვილი.

გიორგი კინოიანი 3 სექტემბერს საქართველო-სომხეთის საზღვარზე დააკავეს, რისი საფუძველიც რუსეთის ფედერაციის მიერ გამოცხადებული ძებნა გახდა. 5 სექტემბერს, სომხეთის სასამართლომ გიორგი კინოიანს 40-დღიანი საექსტრადიციო პატიმრობა შეუფარდა. როგორც ცნობილია, რუსეთის მიერ დროებით ოკუპირებული დონეცკის სასამართლომ გიორგი კინოიანი გასულ წელს დამნაშავედ ცნო, რუსეთის თანახმად, მას ბრალად ედება უკრაინაში "დაქირავებული მებრძოლობა“.