პროკურატურამ 4 ოქტომბერს, თბილისში განვითარებულ მოვლენებთან დაკავშირებით, ბრალდებულის ია დარახველიძის მიმართ აღკვეთის ღონისძიების სახით - საპატიმრო გირაო მოითხოვა.

დანარჩენი 3 ბრალდებულის - ხვიჩა გოგოხიას, ავთანდილ სურმანიძისა და რამაზ მამულაძის მიმართ კი სახელმწიფო ბრალდება აღკვეთის ღონისძიების სახით პატიმრობას მოითხოვს.

გადაწყვეტილება მოსამართლე მზია გარშაულიშვილმა უნდა მიიღოს.

ცნობისთვის, ათონელის სასახლესთან განვითარებულ მოვლენებში მონაწილე პირების მიმართ გამოძიება სისხლის სამართლის კოდექსის 317-ე, 222-ე, 225-ე და 187-ე მუხლებით მიმდინარეობს. აღნიშნული გამოძიების ფარგლებში ჯამში 46 ადამიანია დაკავებული.