გილოცავთ სვეტიცხოვლობის ბრწყინვალე დღესასწაულს, ვულოცავ სრულიად საქართველოს, საზღვრებს გარეთ მყოფ ჩვენს თანამემამულეებს. ჩვენ ვიმყოფებით ისტორიულ ქალაქში, წმინდა ტაძარში - სვეტიცხოველში, მიწის და ზეცის შენაერთს უწოდებენ ჩვენს სვეტიცხოველს. აქ დაბრძანებულია უფლის კვართი, რომელიც სიამაყით აღგვავსებს და დიდ პასუხისმგებლობას გვანიჭებს ქართველებს საუკუნეების განმავლობაში, - ამის შესახებ მიხეილ ყაველაშვილმა სვეტიცხოველში საზეიმო წირვის შემდეგ განაცხადა.

მან კიდევ ერთხელ გაიხსენა საქართველოში ქრისტიანობის შემოტანისა და ერის გაქრისტიანების ისტორია და რწმენის განმტკიცების საკითხში საქართველოს კათოლიკოს-პატრიარქის, ილია მეორის გამოკვეთილ როლს გაუსვა ხაზი.

„გილოცავთ სვეტიცხოვლობის ბრწყინვალე დღესასწაულს, ვულოცავ სრულიად საქართველოს, საზღვრებს გარეთ მყოფ ჩვენს თანამემამულეებს. ჩვენ ვიმყოფებით ისტორიულ ქალაქში, წმინდა ტაძარში - სვეტიცხოველში, მიწის და ზეცის შენაერთს უწოდებენ ჩვენს სვეტიცხოველს. აქ დაბრძანებულია უფლის კვართი, რომელიც სიამაყით აღგვავსებთ და დიდ პასუხისმგებლობას გვანიჭებს ქართველებს საუკუნეების განმავლობაში. ასევე, უფლის კვართია ჩვენი ერის და ქრისტიანობის განუყოფელი სიმბოლო, სწორედ უფლის კვართი იყო შთამაგონებელი წმინდა ნინოსთვის, რომ ჩამობრძანებულიყო საქართველოში და ექადაგა ქრისტიანობა და სწორედ მეფე მირიანისა და დედოფალ ნანას მეოხებით გაქრისტიანდა ჩვენი ხალხი, ჩვენი ერი და მას შემდეგ მტკიცედ ასეთი ურყევია ქრისტეს სიყვარულში. დღემდე მოვედით აქამდე მიუხედავად უამრავი ქარტეხილებისა, სწორედ ამ რწმენით, ამ რწმენაშია გათავისებული ჩვენი იდენტობა, კულტურა, წარმომავლობა. თანამედროვე საქართველოში ქართველები ჩვენი დედაეკლესიის, მართლმადიდებლური სარწმუნოების მეშვეობით ვართ განმსჭვალული, რომ ვართ წარმოდგენილი ასე ძლიერად. უდიდესი ძალა აქვს ჩვენს სარწმუნოებას. არ შემიძლია არ ვახსენო უწმინდესი და უნეტარესი, საქართველოს კათოლიკოს- პატრიარქი ილია მეორე, რომლის მეოხებითაც ვართ სწორედ განმსჭვალული და ასე მტკიცედ ქრისტეს რწმენაში. გილოცავთ სრულიად საქართველოს, გვფარავდეს უფალი და იყოს სვეტიცხოვლობა მუდმივი და მარადიული ჩვენი თანმდევი,“ - განაცხადა ყაველაშვილმა.