ესპანეთის პრემიერ-მინისტრი - „ჰამასსა“ და ისრაელს შორის ცეცხლის შეწყვეტა ღაზაში გენოციდის ჩამდენების დაუსჯელობას არ ნიშნავს
ესპანეთის პრემიერ-მინისტრის, პედრო სანჩესის განცხადებით, „ჰამასსა“ და ისრაელს შორის ცეცხლის შეწყვეტა ღაზაში გენოციდის ჩადენაზე პასუხისმგებელი პირების დაუსჯელობის ხარჯზე არ უნდა მოხდეს.
„მშვიდობა არ ნიშნავს დავიწყებას, არ ნიშნავს დაუსჯელობას“, - განაცხადა ესპანეთის პრემიერმა.
მისი თქმით, ღაზაში ჩადენილი გენოციდის ჩამდენებმა კანონის წინაშე პასუხი უნდა აგონ.
„მათ, ვინც ღაზაში ჩადენილი გენოციდის მთავარი მონაწილეები იყვნენ, მართლმსაჯულების წინაშე პასუხი უნდა აგონ, დაუსჯელობა არ შეიძლება“, - აღნიშნა სანჩესმა.
