მოლდოვის მმართველი პარტია პრემიერ-მინისტრის თანამდებობაზე ბიზნესმენ ალექსანდრუ მუნტეანუს წარადგენს, - ინფორმაციას Bloomberg-ი ავრცელებს.

გამოცემის ცნობით, 61 წლის ფინანსისტი და ეკონომისტი ალექსანდრუ მუნტეანუ უკრაინაში მოქმედი საინვესტიციო კომპანია 4i Capital Partners-ის დამფუძნებელია.

წარსულში მუნტეანუსს პოლიტიკაში არასდროს უმუშავია და ეს მისთვის პირველი პოლიტიკური თანამდებობა იქნება.

მოლდოვის მოქმედმა პრემიერ-მინისტრმა, დორინ რეჩანმა გუშინ განაცხადა, რომ თანამდებობას ტოვებს და პოლიტიკიდან მიდის.

ცნობისთვის, გასულ თვეში ჩატარებულ მოლდოვის საპარლამენტო არჩევნებში მაია სანდუს მმართველმა „მოქმედებისა და სოლიდარობის პარტიამ“ ხმათა 50.20% დააგროვა და ახალ პარლამენტში უმრავლესობა მოიპოვა.