თუ ნატო საფრთხის ქვეშ აღმოჩნდება, ჩვენ ვიმოქმედებთ, - ამის შესახებ გაერთიანებული სამეფოს თავდაცვის მინისტრმა, ჯონ ჰილიმ ბრიუსელში, ნატო-ს თავდაცვის მინისტრების შეხვედრის დაწყებამდე განაცხადა.

„დღეს დიდი ბრიტანეთი და ნატო-ს ქვეყნები ვიკრიბებით, რათა რუსეთის აგრესიაზე ჩვენი პასუხი გავაძლიეროთ. ნატო-ს ტერიტორიაზე პუტინის შეჭრა საშიში და სრულიად მიუღებელია“, - განაცხადა ჰილიმ.

მისი თქმით, რუსეთის პრეზიდენტი, ვლადიმერ პუტინი „ნატო-ს მოქმედებას აკვირდება“.

„პუტინის ესკალაციას ჩვენი ძლიერებით უნდა ვუპასუხოთ. სწორედ ამიტომ, დღეს ჩვენი გაძლიერების საკითხს განვიხილავთ“, - აღნიშნა გაერთიანებული სამეფოს თავდაცვის მინისტრმა.