რუსეთი უკრაინას რაკეტებით უტევს, ქვეყნის სხვადასხვა რეგიონში აფეთქებების ხმები ისმის, - ინფორმაციას უკრაინული მედია ავრცელებს.

მათივე ინფორმაციით, აფეთქებები იყო ხარკოვში, კროპივნიცკიში, იზიუმსა და პოლტავაში.

მანამდე, საჰაერო ძალებმა რუსული MiG-31K-ის აფრენის შესახებ განაცხადეს და უკრაინის მთელ ტერიტორიაზე საჰაერო თავდასხმის მაუწყებელი განგაში გამოცხადდა.

საჰაერო ძალების ცნობით, რუსული რაკეტები დაფიქსირდა პავლოგრადის, დნეპრისა და პოლტავას მიმართულებებით.