უკრაინამ სარატოვის ნავთობგადამამუშავებელ ქარხანას დაარტყა, - ინფორმაციას უკრაინული მედია ქვეყნის შეიარაღებული ძალების გენერალურ შტაბზე დაყრდნობით ავრცელებს.

უკრაინის გენშტაბის ცნობით, რუსეთის სარატოვის ოლქში ნავთობგადამამუშავებელ ქარხანას უკრაინის სპეციალური ოპერაციების ძალების დანაყოფებმა დაარტყეს.

„სარატოვის ნავთობგადამამუშავებელი ქარხანა, რომელიც რუსეთში ერთ-ერთი უძველესი ნავთობგადამამუშავებელი ქარხანაა, ნავთობკომპანია „როსნეფტის“ შემადგენლობაში შედის“, - აცხადებს უკრაინის გენშტაბი.

უკრაინის გენშტაბის განცხადებით, სარატოვის ნავთობგადამამუშავებელი ქარხანა რუსეთის შეიარაღებულ ძალებს ამარაგებს.