„დროას“ დამფუძნებელი ელენე ხოშტარია საკანონმდებლო პაკეტს ეხმაურება, რომლის გათვალისწინებით, კონკრეტულ პირებს პარტიული საქმიანობა, პოლიტიკური თანამდებობის დაკავების უფლება და არჩევნებში მონაწილეობა აეკრძალებათ.

ხოშტარია მიიჩნევს, რომ პარტიების აკრძალვაც იმ ბედს გაიზიარებს, რაც წარსულში საბჭოთა კავშირმა და პოლიტიკურ სანაგვეზე აღმოჩნდება.

„როდესაც საბჭოთა კავშირი ბროდსკის ასამართლებდა, ჰკითხეს: რა არის თქვენი პროფესია? მან უპასუხა: პოეტი. ე.წ მოსამართლე გაბრაზდა, ამ პროფესიას არ აღიარებდა. ბროდსკი, როგორც პოეტი, დღეს ყველამ იცის, საბჭოთა კავშირი კი სანაგვეზეა.

ზუსტად ასე დამთავრდება პოლიტიკოსობის აკრძალვაც. ამას იმ ადგილიდან ვწერ, რომელსაც, მათი აზრით, უნდა შევეშინებინე ან გავეჩერებინე და რომლითაც მთელს საქართველოს ემუქრებიან.

ფეხები არავის მოჭამოთ რუსებო!

ბოლომდე!“- ნათქვამია ელენე ხოშტარიას წერილში.