თბილისში 4 ოქტომბერს განვითარებულ მოვლენებთან დაკავშირებით დაკავებულებთან, დავით ღურცკაიასთან და დავით გიუნაშვილთან, რომლებიც დიღმის დროებითი მოთავსების იზოლატორში არიან გადაყვანილები, ადვოკატი გიორგი გელხაური მივიდა.

როგორც ადვოკატმა დაკავებულებთან შესვლის წინ განაცხადა, მისთვის უცნობია თუ კონკრეტულად რას ედავებიან დავით ღურცკაიასა და დავით გიუნაშვილის.

„ვიცავ დავით ღურცკაიასა და დავით გიუნაშვილის ინტერესებს, ახლახან გავარკვიეთ, რომ დიღმის დროებითი მოთავსების იზოლატორში იმყოფებიან ეს პირები. არ ვიცით რას ედავებიან და რა იქნება ბრალი",- განაცხადა გიორგი გელხაურმა.

ცნობისთვის, სამართალდამცავებმა 4 ოქტომბერს განვითარებულ მოვლენებთან დაკავშირებით, რამდენიმე აქტივისტი დააკავეს.

დაკავებულებს შორის არიან, მარიამ მეყანწიშვილი, დავით გიუნაშვილი, სიმონ მახარაძე, დავით ღურწკაია, გიორგი ტალახაძე, გია თოლორაია, მიხეილ თოლორაია და თემურ ქურციკიძე.