შს მინისტრის გელა გელაძის განცხადებით, პრეზიდენტის ადმინისტრაციის ღობეს დამატებითი ექსპერტიზა ჩაუტარდა და ჭრის კვალი არ დადასტურდა.

მისივე თქმით, ღობე ფიზიკური ძალის ზემოქმედების შედეგად დაზიანდა.

„ამაზე საუბარი უხერხულია კიდეც და სასაცილო. ჩვენ დამატებითი ექსპერტიზა დავნიშნეთ. კითხვის სახით დავსვით, ჰქონდა თუ არა ჯებირებს ჭრის კვალი.

რეალურად ფიზიკური ძალის ზემოქმედების შედეგად წარმოიქმნა დაზიანებები, რაც არის. ჭრის კვალი არ აღინიშნება. დამატებითი ექსპერტიზის პასუხები უკვე არსებობს“, - განაცხადა მინისტრმა უწყებაში გამართულ ბრიფინგზე.